قضية اليوم مش مجرد ملف قانوني ولا نقاش اجتماعي، هي صرخة عمرها سنين،
والوجع عم يكبر معها. ناس ساكنة ببيوتها من عشرات السنين، وفجأة بتلاقي حالها مهددة تفقد مأواها. وبالمقابل، مالكين عم يشوفوا حقهن ضايع، وعقاراتن مؤجرة بأسعار ما بتناسب أبداً قيمة اليوم.
مين المظلوم يا ترى؟ المستأجر اللي خايف يتشرد، ولا المالك اللي عم يحس بظلم كبير؟ بين القانون القديم، والقانون الجديد، وين راحت العدالة؟ وهل في حل بيرضي الكل؟ هيدي الأسئلة وغيرا رح نحاول نجاوب عليه سوا الليلة.
معنا ضيفين رح يطرحوا وجهة نظر كل طرف بكل صراحة وجرأة. معنا الأستاذ كاسترو عبدالله، رئيس الاتحاد الوطني لنقابات العمال والمستخدمين، اللي بيمثل صوت المستأجرين. ومعنا المحامي الأستاذ شربل شرفان، مستشار نقابة المالكين، اللي رح يوضح حقوق المالكين. رح تكون مواجهة صريحة، لنوصل سوا لحقيقة "الإيجارات القديمة لوين؟" مع ضيوفي بالأستديو: رئيس الاتحاد الوطني لنقابات العمال والمستخدمين كاسترو عبد الله والمستشار القانوني لنقابة المالكين المحامي شربل شرفان.