بتحس، بين الحرب الروسيي – الأوكرانيي، والوضع بالسودان، وحرب الإبادي الإسرائيليي ع غزة، وارتباط وضع الشرق الأوسط كلو فيا، وأزمتنا بلبنان... بتحس بدنا ننام ونوعا، وبكرا في نظام جديد بالعالم، ودول جديدي. خلينا نأمَلْ خير. ضيف الحلقا اللي رح يجري "نقطا فاصلي" معو تقويم عام لسنة 2023، واستشراف لسنة 2024، كوراني من ضيعة كفريّا، المدير العام لشركة "الدولية للمعلومات"، وهي من أبرز الشركات المتخصصا بإستطلاعات الرأي، ونْعرفت من زمان من خلال نشر استبيانات اتَّصفت بالدِّقا والموضوعيي. كاتب وباحث مقالاتو ومؤلفاتو متنوعا وكتيري، بيهتم بالآثار، وأنشأ مع آخرين متحف نابو. نْطَرَحْ إسمو وزير أكتر من مرّا، وحتى رئيس حكومي. بيقولو إنو قريب من الرئيس العماد ميشال عون، ومن رئيس التيار الوطني الحر النايب جبران باسيل، وصديق للرئيس نبيه بري، وبيتو ببيروت ع مرمى حجر من بيت الوسط... والأهم الأهم شخصيي ذات صدقيي عاليي. أهلا فيك بحلقا عنوانا "انطباعات عامة عن عام عبر" ضمن "نقطا فاصلي"، المدير العالم للدوليي للمعلومات الأستاز جواد عدرا.