مين رندلى؟ ربِّة الشِّعر اللي خَلقا سعيد عقل، وعنون بإسما أول ديوان غزل كامل بتاريخ الشعر باللغا العربيي. وصارو الأهل يسمو بناتن رندلى ويارا ونيا ودلزى ورونزا وعشتريم، أسامي يا اخترعن شاعر رندلى، يا نبشن من تاريخ لبنان. ورندلى اليوم بتتذكر سعيد عقل بالذكرى التامني لغيابو بـ 28 تشرين التاني 2014.

ومين رندلى كمان؟ إعلاميي عرفتا ببداياتا، وتلمَّست من سطور أول تحقيق صاغتو، قماشة أديبي، كاتبي وناثرا وروائيي، وحسيت في جواتا شاعرا مخبّايي. انعرَفِتْ بالعمل الإزاعي والنقابي، وبإطلالات سياسيي، ووقفات منبريي، بس لهـ الصوت ولهـ القلم، وج تاني رح نكشفو لهـ الإستاذي الجامعيي، بنت عمّيق وطبيعتا الخلابي، وبنت البيت اللي البيّ فيه رسام ومعمار، والإم حاملة فكر ومربيي. وأصدرت لليوم روايتين "أيلا" و"حياتي الثانية"، والحبل ع الجرار.

نقطا فاصلي وتحت عنوان "وجه آخر للقلم والصوت" بيرحب بالنقيبي الإعلاميي الروائيي رندلى جبور.