September 24, 2022

منحاول نضلّ نخضرّ... بس اليباس بيضلّ يدق بوابنا. من بدء الخليقا، حاول الإنسان يكون إنسان، أحيانًا نجح بس ما اكتملت تجربتو، وأغلب الأوقات فشل. فيكف ممكن يكون فعلًا إنسان، خلقو ربنا ع صورتو كمثالو؟"بحثًا عن الإنسان"، عنوان حلقة "نقطا فاصلي"، اليوم، بمحاولي مرتكزي ع أربع علوم، بتجاوب عن هـ السؤال الكبير، ويمكن تلاقي الإنسان الضايع فينا وبيناتنا. رح إعتبر اللاهوت والفلسفي والهندسي والموسيقى، سراج ديوجين، ونفتش سوا عن الإنسان، مع ضيف متمكن من هـ العلوم الأربعا، بالشهادات اللي بيحملا، من جامعات لبنانيي وأجنبيي، وبالأبحاث اللي بيعملا والمشاريع اللي أنجزا، فضلًا عن كونو مربي ومدير مدارس ومؤسس جمعيات، ومسؤول بلدي، ومفكر سياسي. نقطا فاصلي بيرحب بالأستاز الصديق إبن الطيبي ببعلبك، جان بو شعيا.