بعدما نْطَوِتْ صفحة الانتخابات النيابيي، بتفتح حلقة "نقطا فاصلي" اليوم صفحا بتفرز فيا، بالسلوك الإنساني والوطني والاجتماعي والنفسي والقيمي، القمح عن الزيوان، ومناكل خبز طعمتو قربان.
وغربالنا بهـ الحلقا العلم والمعرفي والخبرا والتجربي والعمق وبعد النظر والاختصاص والرؤيا والقراءا الهاديي.
الماسكين هـ الغربال صديقين. الجولات الفكريي والحواريي بيناتنا كتيري، ومن زمان بعيد. عالمة الأخلاق والقيم، ومش بس البروفسورا بعلم النفس والإستازي الجامعيي ماري خوري، وعالم إبن خلدوني إستشرافي، مش بس بروفسور بعلم الاجتماع وإستاز جامعي سمير خوري. أهلا وسهلا فيكن بنقطا فاصلي.