November 13, 2021
"بالفنِّ نحيا"، هيك عنونت حلقة "نقطا فاصلي"، لأنو ضيف الحلقا عنون مسيرة حياتو "بالفن أحيا"، بعدما عبّى مراياتو الخلفيي تماثيل ولوحات، واكتشف الروح بالجماد وباللون، وكتبلن بإزميلو وبريشتو عمر جديد.
مش رح عرِّف عنو كتير، ت إتركو يعرِّف عن حالو، لأنو بمقدار ما هو نحات من أبرع نحاتي لبنان المعاصرين، ورسام صاحب أسلوب مميز بين الرسامين، بختصرو بإنو شاعر الصَّخر واللَّون. الأستاذ مارون الحكيم، أهلا فيك بنقطا فاصلي.