November 20, 2021

حكاية ضيفة "نقطا فاصلي" اليوم، بلَّشت بالحبق من شي عشر سنين. وهيّي متل الحبقا وين ما كانت ما بتنشر إلّا نسيم معطَّر وفرح وعطاء. سَرَقا العلم من الشِّعر اللي بتحنِّلو، ونْ عنّ ع بالا قصيدي أو فكرا، وما في ورقا قداما، بتكتبا ع محرمي بمقهى أو بمطعم، ويمكن تصير غنِّيّي.عنوان الحلقا "مجتمع بين الواقع والافتراض". عنوان أشبعِتو ضيفتي العزيزي أبحاث ودراسات، بحكم اختصاصا بعلم الاجتماع، والفلسفي والأدب، اللي بتحمل فين شهادتي دكتوراه، وبحكم نشاطا بأكتر من جمعيي أهليي ونادي عالمي، فضلًا عن حيازتا درجة الأستذي بملاك الجامعا اللبنانيي... عندا مجموعة مؤلفات ودراسات وأبحاس وديوان شعر عنوانو "ضيف لعطر الحبق". ضيفة نقطا فاصلي البروفسورا الصديقا وديعة الأميوني.