عالمكشوف مع الناشط السياسي ناجي حايك
بعد ما السلطة السياسة أصبحت عم تتدخل بالقضاء بشكل ظاهر …. و عم يحتموا بالحصانة هيدا بيعني بوجودكن رح ينطوى ملف جديد … ولكن العدالة رح تضل المطلب الأساسي … نعم عدالة الأرض حتى نقدر نشوف الحساب لكل شخص … للاسف قلبتوا الدنيا على راسنا و عيشتونا بجهنم … شعارات الحياد موجودة بصوت عالي و لكن حيادنا لازم يكون منكن انتو بالأول و السيادة و الحرية من احتلالكم لمراكز الدولة و لكراسي المجلس و الرئاسات … دفعتوا الكل للهجرة بسبب دولتكن الضعيفة اللي ما ساهمت بالمحافظة على اللبناني بلبنان … كفى تخاطبونا بطوائفكم و كفى تخاطبونا بألسنة دولكم الخارجية خلينا لمرة وحدة نتخاطب بحوار لبناني لا غير …شغلتكن يا ساسة انوا تضحوا للوطن مش لمصالحكن الشخصية … نسيت خبركن انو دولار صار ١٠ ألاف بركي ما عرفتوا لأن الظاهر انو ما معكن خبر شي … او الموضوع بوافقكن لأن دولارتكن معكم او خارج البلد.. ضيفي الناشط السياسي د. ناجي حايك مساء الخير دكتور