March 25, 2021

عالمكشوف مع النائب روجيه عازار


مساء الخير ... اللقائات بين الرئيس المكلف ورئيس الجمهورية بلغت سن الرشد... صارو 18 ولكن الحكومة ما ابصرت النور بعد... وكأن لازم كل جيل يشيخ هو وناطر حلول وهمية بدولة اصلا وصلت للانهيار بسبب مجموعة الأوهام إللي قامت عليها.. ..من وهم الاستقلال الى الطائفية، وهم السيادة، ، وهم الانتخابات وهم الحرية وهم الرفاهية و اخيرا وليس اخرا وهم الاقتصاد المتين....بالوقت ذاتو منشوف بعض السياسيين مستعدين لتدمير وطن حتى يبقوا على عرش مصالحهم على أساس البلد بعد بيحمل... بالمقابل أعين الغرب متجهة نحو لبنان بانتظار تشكيل الحكومة الكل مهتم وبيعبر عن قلق شديد اكتر من السياسين عنافي لبنان... يا ترى وينن السياسيين... هل يا ترى البعض منن احساسن صار مفقود ؟؟؟ او لأن الجوع بعيد عنن والمستشفيات متوفرا الن، والنفط والمازوت ووسائل الراحة مأمنة عندن مش فرقانة معن شي ... هل يا ترى نحنا بنفس البلد؟؟؟ اللي فيني قلكن ياه اليوم انو نحنا صرنا مش حاسين الا بوجودكن التقيل علينا .... فرصكن صارت على الآخر والجدية هي المطلوبة التغيير والتحسين صار مطلب هادف لبناء دولة و وطن... ضيفي لليوم النائب روجيه عازار مساء الخير