Man To Man - كورونا ضيوف الحلقة: وزير الداخلية السابق، مروان شربلوزير الإقتصاد السابق، النائب نقولا نحاسوزير البيئة السابق، فادي جريصاتيعضو اللقاء الديمقراطية، النائب بلال عبداللهعضو كتلة التنمية والتحرير، النائب فادي علامةد. وسيم جابر، باحث في فيزياء وتكنولوجيا النانو مين المسؤول عن الوضع المآساوي يلي وصلنالو وشوالحلّ؟ المضحك المبكي لما مقدمات نشرات الأخبار بتسأل مين المسؤول، بس المحطات التلفيزيونية بتعرض اعلانات عمدة شهر لسهرات راس السنة. المضحك المبكي لما إعلامي بيسأل فنان اذا بيندم عسهرة راس السنة، بس محطته كل الشهر عم ترّوج لهيدي السهرة. المضحك المبكي لما بتختلف اللجان حول فتح البلد أو تسكيره، وبالآخر منرجع منعيد حفلة راس السنة، حفلة عيومين بالسوبرماركت. المضحك المبكي لما البعض منّا لهلق منه مصدق بوجود كورونا،  منعبي بيانات وهمية لنضهر،  منزوّر تصاريح لنتنقل، وبالآخر منجي عالتويتر منسأل وزير الصحة إذا عقم ايديه قبل ما يمضي الملفات بالمستشفى. المضحك المبكي أنه حتى بأجهزة التنفس دخلت حسابات المزرعة الطائفية. المضحك المبكي، أنه حتى الأزمات ما قدرت تجمعنا، وضل في ناس بالها فاضي للFake news وتصفية الحسابات السياسية. المضحك المبكي أنه اللبناني يضطر ينقي بين الموت من الجوع او الموت من المرض،  لانه ذنبه انه خلق بدولة مهترية فاشلة. مين المسؤول. كلنا مسؤولين. كل واحد فينا مسؤول،  أنا مسؤولة، أنت مسؤول، كل الوزراء، كل الحكومة وكل الرؤساء.  كل واحد يبلش من حاله، يسأل حاله انا شو عملت؟ والأهم شو لازم أعمل بكرا؟