مساء الخير … يبن جائحة كورونا , و كل الأمور اللي عم نمر فيها بالوطن علامات استفهام كتيرة عم تمرق علينا… كلنا استقبلنا سنة جديدة و لكن القلق ما فارقنا… و أول علامة استفهام هي : شو ناطرنا ب 2021 ؟؟؟و هل رح تكون أفضل من2020 السنة الكارثية على الجميع و لبنان تحديدًا؟؟؟ تاني سؤال كتار عم يسألوه أي ذنب عملنا تيكون ربيع عمرنا متزامن مع خريف الوطن؟؟؟…تالت سؤال لأيمتا رح يبقوا البعض من مسؤولينا بايعين هالوطن منعرف انو وطنا غالي و لكن مش لحد انو تفكرو تبيعوا… متل ما بايعين ضميركن … بقول أحمد العراقي الكل بيبكي على الوطن و لا أحد يزرع في رصيفه وردة … نعم بدل الورود زرعتوا أشواك بطريقنا و طرقات الأجيال القادمة … بدل المحبة زرعتوا الفتن بين الاخوة لمصالحكن الفردية … بدل التمسك بالأرض دفعتوا شبابنا للهجرة… و انتو قاعدين بقصور من حجر بنيتون من أطماعكن … على أمل انو تعرفوا شو معنى كلمة وطن لأن… لو كان البعض منكن عندو شوية ضمير كنتوا اشتغلتوا للوطن قبل مصالحكن الفردية و لكن بتبقى كلمة ( لو) سيدة الجملة الأخيرة ضيفي رئيس جهاز الاعلام و التواصل بالقوات اللبنانية شارل جبور مساء الخير شارل .

في بعض الناس بالحياة بتحبك بس لما بتكون قوي و قادر و معك مال بس لما بتضعف و تحزن و تتوجع هون انتبه لأن رح تغربل كتير من اصحابك و ناسك ….
الناس بتحبك بعزك مش بضعفك
مشان هيك خلي ضعفك و وجعك لروحك بس لأن هي الوحيدة إللي ما بتتركك خبر ربنا عن وجعك هو الوحيد إللي قادر يمسح هيدا الحزن و يغير حاللك من حال إلى حال