عالمكشوف مع الصحافي قاسم قصير

مساء الخير …بين وباء كورونا و وباء بعض السياسيين فرق كبير و السبب انو كورونا نوجد الو لقاح بعد سنة تقريبًا على انتشاره… و لكن وباء السياسيين ما زال متفشي و متجذر بلبنان… في بنج معمم على الشعب إللي بطل قادر يحس بجرثومة السياسيين اللي أدخلتنا بدوامة الفساد … و البنج صار مؤلف من هموم المواطن و كيفية الهائوا من 30 سنة لليوم بمشاكل البلد … أزمة كهرباء، نفايات، تأمين طبابة، أقساط مدارس ،عمل دون الحد الأدنى للاجور، انقطاع المياه، ثورات، حروب، و اللعب على الطائفية و أوبئة و أمراض … و بهالوقت بينما المواطن منهمك بحل مشاكلوا اليومية بعض السياسيين مستمرر بالسرقة، النهب، التحالفات ،المؤمرات، بيع الوطن، الصفقات و المحاصصة و غيرها … و آخر شي بكل عين وقحة منلوم شعب جاع..شعب ناطر الانتخابات ليقبض 100$ عايام الدولار و أبصر بالليرة شو رح يعطوا تيقدر يعيش ..منلوم شعب لا ملامة عليه، لو ايا شعب اخر في بلد تاني كان ما قدر يتحمل بس يومين من إللي عم يتحملوا اللبناني …. نعم هيدي حالتنا و اللقاح بيد الدول الكبرى لننتهي من وباء بعض السياسيين … ضيفي اليوم عبر و صدم كتير ناس بكلامو رغم انو معروف عنو كتير هادئ و محافظ بمواقفو… هو معنا اليوم لنوضح أمور عديدة…. الصحافي قاسم قصير مساء الخير .