January 30, 2021

عالمة الفيزياء الفلكية الدكتورة سيرين نعمة والشاعر مارون أبو شقرا

"الكون في منظار العلماء وخيال الشعراء"، عنوان حلقة نقطا فاصلي وموضوعا. لما منقرا بكتب العلما عن الكون، ومنغوص بخيال الشعرا، منعرف إنو نحن مَنّا إلا جزء كتير زغير، ما بينشاف، من وطن هو ذرة كتير زغيري ما بتنشاف، ع كرة أرضيي بالكاد تكون ذرة ما بتنشاف، بين مليارات النجوم والكواكب والمجرات، بهـ الكون الوسيع… فليش ما منتأمل بحالنا ومنتواضع قدام عظمة هـ الكون ومهابة خالقو، وليش ما منتكرس للجمال، ت نشبه هـ اللوحا الجميلي اللي إسما الكون، ونكون ع صورتا ومسالا؟
تأمُّل رح نمارسو بهـ الحلقا، مع عالمة فيزياء فضائيي، بمركز جيمس ويب، ودكتورا بالفيزياء الفضائيي مش الفلكيي، بمركز الطاقا الزريي، ومهندسي بوكالة الفضاء الأوروبيي، وأستازي جامعيي، وشاعرا وعازفة بيانو ورسَّامي، وبنت ضيعا إسما لابسا لبس، دير القمر: الدكتورا سيرين نعمة.
ومع إبن جب جنين، البقاع الغربي اللي عاقدي طبيعتو حلف مع الجمال. مسقف كبير، غارف من ينابيع زحلي كل عناقيد الشعر، عاشق موسيقى ونغم ونحت ورسم، وبيوجعو الجمال. صاحب إطلالات كتيري مميزي بمنتديات وأمسيات سقافيي وشعريي، وشاعر إلو تلات دواوين شعر "إِنتي وشو إِنتي"؟ العِنوان: "عِشتار"، "رَقصَه عَ باب الضَّوّ"، ودراسي عنوانا "الشاعر والزجّال والشعر بينهما"، اشتركنا فيا سوا، وما بيحب يعرف عن حالو إلا بمارون أبو شقرا.